واحد و عشرينْ سنةْ

واحد و عشرينْ سنةْ ••

خلينيِّ نرتاَحْ شبيــــٍّــكْ تجريِّ بياًّ .. 

مشٌفتْ شيئْ علاَش مغمًّضليِّ عيناياًّ .. 

خَ‏نعَلٍّي صوتيِّ مزلتْ عنديِّ ماَ نقولْ أبعدنيِّ فكْ الحصرْ علياًّ ..

معَرفتْ شيئْ شبيـــكْ بعدتْ علياًّ ..

أناَ آمسْ صغيرةْ نلعبْ معَ أميِّ ، وقتاَشْ يبدىَ إفسحْ ياَ سم سم كاَنْ أكبرْ هميٍّ ..

آمـــآنْ ياَّ هَمْ .. آنطقْ قــول للناَسْ أنا عُمريِّ الحقيقيِّ كَمْ ..

أناَ ماعرفتْ شيئْ كانْ غزرتهمْ الملياَنةْ ســـمْ .. 

فاَطمةْ معاَشّ صغيرةْ ، أياَّ وقتاشْ باشْ تعرٍّسْ و تتلمْ ..

ماَعرفتْ روحيِّ ليِّ أنا معاشْ صغيرة ، كاَنْ الدنياَّ ضربتنيِّ و منجمتشْ نبكيِّ و نشكيِّ لأميِّ الألمْ ..

سكتتْ .. لينْ تمكًّنْ منيِّ الهمْ ..

كُنـــــتْ محلاَنيْ منعرفشْ حتىَ نحيرْ ، فيِّ دفىَ حضنيِّ يرقد الصَّغيرْ ..

نقَّدر الكبيرْ .

نفرحْ كيِّ تشدنيِّ أميِّ تحصرنيِّ في حضنهاَ و تقٌليِّ : يزيِّ آ طفلة راكْ باشْ إطيرْ ...

شبينيِّ ليوٌمةْ كبرتْ وليتْ نحيرْ ، نتُّجعْ ، نغيٍّـــرْ ، نتكلَّم ، ناقفْ ، نطيرْ ..

آنا معرفتهاشْ ، هيِّ تكرهنيْ ، تغزرليِّ بدموعهاَ ، لكنْ انا مبكٍّتهاَشْ .. 

منعرفهاَشْ لونهاَ أصفرْ ياَخيِّ مضروبةْ فيِّ عيناهاَ ؟ تحويقتْ عيناهاَ زرقةْ ما وتاتهاَشْ ..

تيِّ علاشْ تعَّثر فياَّ ، أنا مظلمتهاَشْ .. 

شبيِّــــهاَ ناقمةْ بدنيِّ مهظمهاَشْ ، مرتاَحلهاَشْ ..

آ روحيِّ علاَشْ ساكنة فياَّ و ناقمةْ علياَّ ، توجًّع فياَّ ، رزًّنتْ علياَّ .. شبيِّك تُغزرليِّ هكاَّ .. و اللهٍ حتىَّ ريحتكْ معرفتهاشْ ..

ههه ، كيِّ كنتْ صغيرةْ كنتْ نحبْ رًّسم ، كنت ديــــما نرسم مرى تفاصيلْ مجههاَ مثماَّشْ .. 

تهزّ فيِ نَواَّرة كحلةْ ، أي كحلةْ منعرفشْ علاَشْ ..

الطفلةْ ليِّ عايشةْ فياَّ .. ليومةْ بعدْ واحدْ و عشرينْ سنةْ بكاَتْ ..

توحشتْ كيِّ كانتْ صفحةْ بيضاَ ، كيِّ كانتْ عمهاَّ يقوللهاَّ أنتِّ لٍّلاَّتْ البناتْ ..

ليِّ كانت موشْ حاسةْ بغيابْ بوهاَ قسوتوُّ محسٍّتهاَشْ .. 

كـــآنت تغفرْ و تسامح متحسبهاَشْ ..

كنتْ نصدَّقْ ليِّ يبكيِّ ، ننتبهْ بقلبيٍّ مع إليِّ يحكيِّ .. 

منعرفشْ الكذبْ ، مكنتشْ نعرفْ إلي معضمهاَ تمسكيِّ ..

كنتْ نحسْ بجوعْ و بــ شبَعْ .. كنتْ نتبًّعْ الكبارْ في تصرفاَتهمْ و نتعلمْ 

كنت ، كنت ، كنت ...

_____________________________

ياَّ نهار 6 جانفيِّ ، نكرهكْ :)  

خليتنيِّ كلْ عاَمْ نحسبْ و ننفخْ علىَ شمعْ عمري وحديِّ و نتعبْ ...

•• شنيِّةْ هالتراساتْ الخايبةْ ليِّ فيِّ عقليِّ ..

آشْ عشتْ أناَ باشْ المخيِّ يتعبنيٍّ ..

واحد و عشرينْ سنةْ .. ماَزلتْ ماَ فرحتشْ .. ماَ بكيتشْ على ضحكةْ من قلبْ بفرحةْ ..

أيْ مفرحتٍّش و الأصعبْ و الغبىَ و الرزنْ إنيِّ ما عرفتْ نفرًّح حدْ .. 

حتىَ لي حبنيِّ و تعبْ ، و سهر اليلْ و كتبْ و جا للدار و طلبْ ..

حتى لي بكىَ السنينْ و مرضْ 

حتى ليِّ سعىَ برشاَّ و قلقْ ..

حتىًّ لي ماتْ 

...

 ما عرفتْ نفرًّح حدْ .. ماعرفتْ نكونْ باهيةْ مع حدْ ، ولَّيتْ نخاَفْ ..

الناَّس لي دايرة بياَّ بكلــــــهاَ تخلَّصْ في ثمن حاجات موش هياًّ سببْ فيهاَ ..

أنا زادة طول حياتيِّ ’ باشْ نقعد نخلَّصْ في ضريبة حاجـــآتْ’ مو آنا سبب فيهمْ ...

أنا• عصبية 

• صعيبةْ 

• مزاجيــــــــــــــةْ 

•عنديِّ حب الإمتلاكْ بصفةْ مَرَضِيِّةْ 

• ضعيفةْ .. 

• دمعتيْ تعشَقْ خُدًّيَ 

• حساَّسةْ بالكتيبةْ مبليةْ 

• متسامحةْ حدْ النيٍّةْ 

• قاسيةْ منرحمشْ 

• نعطيِّ فوقْ ماَ نقدر مانبخِّلشْ 

• نستنىَ برشاَ 

• بكاَّيةْ 

• فدْلاَكةّ 

• الأسود لونيْ 

• الطبيعةْ مكاَني 

• الظَلمةْ عِّزْي

• دينيِّ هُياَميِّ 

• لصحاَبْ قبلْ العائلةْ 

• الحبْ ، مرضْ 

• القرايةْ وسيلة للهروبْ من الدَّارْ 

• الورقةْ حافظةْ الأسرارْ 

• فلسطينْ القضيةْ 

• اللإسلاَمْ الهويةْ 

• إسرائيلْ العدوُ 

• بدنيِّ الضحيةْ 

• صحَّتيْ المعرقِّلْ 

• ... آنا موشْ كيفهمْ .

ماَزلتْ نتمنىَ فيِّ فرحةْ نستنىَ فيِّ ضحكتْ الدنياَّ نتمنىَ ..

ماَيعرفنيِّ حدْ مازل الوقتْ مازلتْ إنجم نتخَبىَّ ..

 ياَ ترينوُّ العمر كيماَ قتلكْ في أولْ كلاميِّ ، باللهْ إستنىَ .. خلينيِّ نلبسْ خماريِّ لأسوودْ و نتخفىَّ ..

..

غدوة ، نطفيِّ الشمعةْ و ندخلْ في مرحلةْ العدْ التنازٌليِّ ..

و يبدى التغجنيقْ .. في حكايتْ متواتينيشْ ..

العرس المسؤولية الداَّر الراًّجل الصغار الخدمة الجريان زرى الكارْ ال...

 منحبٍّشْ يا العمرْ خلينيِّ هناَ ، منكبشْ نكبارْ .. رجعنيِّ نخمم في الكوميكْ كيِّ الصغارْ .. 

رجعنيِّ لحضنْ أميِّ باشْ معاشْ نحتارْ 

رجًّعنيِّ نضيفةْ بكذبْ الناسْ نتغلطشْ و نشوفهاَ ظلمةْ في النهارْ ..

...

 •• بحباَر عقليِّ .. بأوامرْ هلواَسي نكتِّبْ ..

فاطمةْ عٌمريِّ