في سكون الليْل و حديِ

في سكون الليْل و حديِ …

غنى َ ..عبد الحيلم حافظ

في سكون الليل تصحى الاشواق و يناجي الليل كل العشاَق و يطير بيهم و يمنيهم , في سكون الليل ..

لو نام اليل و تهنى الخالي عينو ترتاح و في حلمو يشوف الجنة  و يقضي الليل افراح و العاشق ليلو يطول و يبات سهران مشغول ..  و عينيه بتقول في سكون الليل …

ما آكرثر كلامكم عَ الليلْ ..

اما انا نحب نعرف وقتاش بدى َ الليل و وقتاش يحب يوفىَ ؟

انا نحكي عَلى اي لحظة في حياتيْ هي الليلْ ..

الليل هو و  أنا و لا حد غيرناَ ..

هو نور  يضويِ الوحدةْ لي مهووسة بياً ..

الليل آه يا ليل يا مونس احلاميِ لي ما تبداش

يا  حاظن روحي لي ما تهداشْ

يا وجايع عيوني لي ما تنساش~ ..

الليل آه يا ليل يا معشش في الرواري ,,

يا فاهم كل الحكاوي .. يا معاشر ظلوعي و فاهم آش تعاني من خلاَنيِ ..

تي القصد كبير اما الكلام بسيطْ ..

القصد روحْ ..

روح من نهار لي بكيت  اول مرة عايشة فياً ..

روح خانقتني . في الظلام إطيح بياً ..

الروح اذيا موش كي الناس العادية ..

روح لونها ابيض غامق ..

واضحة برشا لدرجة اننهاا معمية ْ ..

الليل هو بيتيِ و حيوطهاَ   , هو  خيماري و جلبابيِ هو قهوتيِ المُرةْ البنينةْ , هو أكا الحوق لي تحت العينْ هو الغذرة بين الفجر و ما شافت العينْ , هو راجل حنينْ لعبتْ بيه بنت الشوارع في الليل ..

الليل هو انا وقت نفيقْ من تخميرتيْ .. وقت نحسْ بوجيعتيْ ..

الليل هو أمي لي ما تحسش بياَ .. هوا راجلها إ لي ناكر فياً ..

هو كفر كبير في قلبيِ للبولسيةْ ..

هو ظلم كبير مني للي يحبوني في العشوية و ما يشوفوش خيال لياً ..

انا و الليل واحد ..

واحد في اللونْ  . انا السوادْ بحلاوتو .. انا الغصرة بحلاوتها .. انا الام لي هملت و البو لي نكر .. انا الخو لي همل ..

انا هو إنت في مكان مش واضحْ ..

وقتاش يجيكم الليل ؟ في أما وقت يبدى ليلكم ؟

انا حياتي ليلْ في حيوط بيتي برشا سواد يلمع بنجوم .. خلقتهم أنا يونسوني كيف تشرق شمسكم عليكم ..

الليل تاعي انا ما يفارقنيشْ مهما آنتوماَ فارقتونيِ ..

الليلة هو بنتيْ المزيانة ,لي  تشبه لبوهاَ الشرقي في طبعو المتحرر في فكرو ,, بنتي ِ لحمي و دمي و حليبي و وجايع حزامي و سهر الليالي و تعب الشهور ..

بنتيِ قتلها بوها في ليلآ محلاهآآَ و في ليل زاهي بالقمر و نجوماَ ..

قتلهاااا بوها خاطرو حنين برشا و دافي .. خطرو زينت وجهو من لحم اكتافيِ .. خاطرو عمرو لا يجافي .. خاطرو ولد حومة حربيِ .. لا يخاف و لا يراتيْ ..

بنتيِ في ليلت شتاء قتلهاَ بوهاَ ..

و أنا مازلت نحبل بيهاَ ..

مازلت نستنى في الليلة لولىْ لي تهنيني فيهاَ ..

مازلت نستنى باش توجعنيِ و ندلل عليك ..

مازلت نستنى باش نتقلق و طبيبة تقليْ .. مبروك بنوتك محلاها في جاشك ..

مازلا نستنى في ليلآ حلوة بنتي , تهمزني في جنابي و تقلي سايي نحب نشوفك .

هههه تي من ستة سنين لتوة نستنى في بنتيِ لي قتلا بوها قبل ما نفك غذريتي بيهاَ ..

الليل آه يا ليل إنت لي تعرف لي بيا ..

إنت لي تعرف سبب وجيعت قلبي و الامراض لي فياً .

و في عز الوجيعة الناس تلوم عليا ..

يزي قول لدنيا و نحي هالظلام عليكْ..

قوم شوف محلاه الصيف و الشمس المضوية ..

قوم نحي السواد ماكش أحلام باش تقول الأسود يليق بياً ..

إنت ابيضة من ربي بالوحدة مبليا ..

الليل آه يا ليل جيتك بجاه ربيِ خبيني في نجومك  مالناس الاذية َ

انا مريضة مرضي  يعدي الريحة فايحة فياً .

هذا بداية الليل معايا ..

هذي ينت الليل آش صنع منها القدر ..

الليل هو انا وقت كنت بنياً و أمي تحلم بياً .. بالروبة البيضة متصدرة مقدية ..

امي تشوف فياً .. إنسانة في حياتي موش متهنية , لكن تنسي في روحها و تقول عندي البدريةْ ..

امي ما تعرفنيش و ما تعرفش آش صاير فياً ..

امي كان ترجعني لجاشها ليلةْ تو تعرف آش لزني باش نكون الليل آقرب منها لياً ..

بقلم :

عُمري فاطمة